港姐亞軍梁嘉莹港大碩士畢業 五官精緻愈嚟愈fit獲讚顏值升級.2024年港姐亞軍兼「最上鏡小姐」梁嘉莹（Emily）日前喺社交平台報喜，宣布正式完成香港大學市場營銷碩士課程。佢話：「終於！市場營銷課嘅最後一堂課已經畫上句號，靜待畢業典禮到來，暫時卸下學生身份，好好休息放鬆一陣子。」並分享離港前充實嘅一日，包括為媽媽挑選威士忌作生日禮物，母女情深，畫面溫馨。

相中Emily以黑色連身裙配卡其色西裝外套淡妝出鏡，精緻五官同纖細長腿非常搶鏡。不過原來Emily曾經係肥妹仔，佢自爆體重最高峰達154磅，如今愈來愈Fit，驚艷好多網民，紛紛留言：「真的很上鏡，好靚」、「Emily瘦了嘛，好美」。

TVB