陳星妤31歲生日晒「下衣失蹤」照 白絲長腿若隱若現勁吸睛

TVB上位小花陳星妤（Yvette）昨日（1日）迎來31歲生日，佢喺社交平台晒出一輯生日靚相為自己慶祝，引來大批網民留言讚好。相中嘅陳星妤身穿灰色長款毛衣，大玩「下衣失蹤」，一雙長腿喺白色喱士絲襪包裹下若隱若現，仲趴地擺出多個誘人Pose，性感度爆晒燈！網民紛紛留言：「生日快樂！太靚啦」、「呢個造型不得了」、「星妤越來越有女人味」。

陳星妤於2021年參選香港小姐，當年憑甜美樣子獲封「翻版吳千語」及「方媛混合體」，雖然大熱倒灶、八強止步，但仍然獲TVB簽約，之後參演咗多部劇集，包括《一舞傾城》、《法言人》等，戲份逐漸增加，備受網民關注。今次生日晒靚相，再次展現佢嘅青春魅力，人氣持續上升。TVB