▪️先講爭冠搶分大戰，「一分也不能少」嘅曼城作客般尼茅夫。16場不敗🆚14場不敗，森文尤倒戈，哥迪奧拿賽前宣布離隊… 都幾多話題！

開波後般尼茅夫並未有選擇退讓，佢哋依然有機會爭取來季嘅歐聯席位，整場賽事表達出來嘅嘢甚至優於曼城。卻奧比（Eli Kroupi）嘅入波極具功架；下半場布魯士（David Brookes）嘅埋門就稍欠運氣過唔到門柱。

曼城下半場換入查基，都要去到80分鐘主隊體能下降先有更多入肉嘅埋門，夏蘭特嘅入球為時已晚。賽後哥迪奧拿就表示：「謹代表曼城向阿仙奴全隊上下、艾迪達，佢哋嘅教練團隊、職員以及球迷同Fans送上祝福，佢哋值得擁有呢個冠軍。」

▪️車路士同樣與熱刺都「肩負其職」，一個爭逐歐洲賽事席位，一個要為護級奮戰。雙方未有太多壓迫，開放性踢法都幾鮮明。安素費蘭迪斯或會成為球會最終走勢嘅鎖匙人，近五場賽事參與咗四個入球，包括今場嘅1個入波1次助攻。另外值得一提嘅係20歲荷蘭中堅赫圖（Jorrel Hato），最少兩次成功攔截令佢哋得以主場攞到寶貴嘅三分，自3月份作客擊敗維拉之後，取得近9場聯賽首勝。

賽後一分都攞唔到，熱刺可以話相當失望。落選巴西世界盃大名單嘅李察利臣收窄比數；傷癒復出嘅詹士麥迪遜再度後備入替，並且製造出積極威脅嘅埋門，可惜就被對方守衛刪走。

最後一戰，包括白禮頓🆚曼聯、利物浦🆚賓福特、諾定咸森林🆚般尼茅夫、辛德蘭🆚車路士、托定咸熱刺🆚愛華頓以及韋斯咸🆚列斯聯都相關緊要，任何賽果都會直接或間接影響到歐洲賽事資格同埋最後一個降班名額。

恭喜曬阿仙奴🎉事隔22年後再奪英超冠軍🏆！！

英超第37週賽事賽果-阿士東維拉4-2 利物浦曼聯3-2 諾定咸森林愛華頓1-3 辛德蘭賓福特2-2 水晶宮狼隊1-1 富咸列斯聯1-0 白禮頓紐卡素3-1 韋斯咸阿仙奴1-0 般尼般尼茅夫1-1 曼城車路士2-1 托定咸熱刺

EPL阿仙奴曼城般尼茅夫車路士托定咸熱刺 🏴󠁧󠁢󠁥󠁮󠁧󠁿🏆