艾馬利賽後接受官方採訪：「我一直對歐洲賽事充滿感激，對每一項歐洲賽事都係咁，尤其係歐霸盃。還有感謝我執教過嘅球會，因為佢哋為我指明咗方向- 包括我喺華倫西亞、西維爾、維拉利爾時所得到嘅支援，以及而家喺阿士東維拉呢度… 我喺更衣室裡同班球員講，我哋需要渴望（wishes / ambition），需要喺呢項賽事中保持認真態度。喺球場上證明自己先至係主角- 而佢哋都做到咗！」

「有部份人已經攞過冠軍，但對好多人來講呢個都係第一次。當然，我哋經常會分享下我哋嘅經驗，並嘗試運用好。我哋踢過歐聯、歐霸嘅八強同四強，呢場決賽就係對我哋進步嘅最好證明。呢個對我哋、對球迷來講非常重要，球迷成個球季都跟著一齊作客，佢哋付出巨大努力與我哋同在，並傳遞能量。我哋都要為自己同球迷一齊創造嘅成就感到自豪。當然，球會於1982年曾經喺歐洲奪冠，如今再次喺歐洲奪冠，咁令我哋所做嘅一切都好有意義。」