加基普利用兩個十二碼為荷蘭贏得呢場閉門嘅勝仗，呢個都係佢個人第50次代表國家隊上陣，不過整個過程並唔係咁樂觀。森馬維同賴達斯嘅入攝都未有奏效，整體埋門素質欠奉。

烏茲別克防守都做得幾好，尾段製造古斯泰爾（Guus Til）手球紅牌被逐，令佢哋打多一個兼且依靠沙加耶夫（Igor Sergeev）靚射追和。唯獨最後時間臨天光瀨尿，雲希格（Jan Paul van Hecke）被侵犯而輸無仇報十二碼。

至於阿根廷同冰島嘅賽事，再次將友誼賽演繹成友盡賽。雙方嘅動作都觸及到底線，球證無出示紅牌已經相當俾面。史特拉斯堡中場巴高（Valentin Barco）上半場入靚波；美斯後備登場之後都處理咗一個質素唔差嘅十二碼。

冰島絕非毫無反撲機會，艾拿臣（Mikael Ellertsson）嘅機會應該係最近磅嘅一次。

前晚到今日凌晨國際熱身賽賽事賽果-哥倫比亞🇨🇴2-0 🇯🇴約旦斯里蘭卡🇱🇰4-1 🇧🇹不丹荷蘭🇳🇱2-1 🇺🇿烏茲別克斯坦尼日爾🇳🇪0-1 🇲🇷毛里塔尼亞法國🇫🇷3-1 ☘️北愛爾蘭秘魯🇵🇪1-3 🇪🇸西班牙瓦努阿圖🇻🇺2-2 🇫🇯斐濟赤道幾內亞🇬🇶0-1 🇰🇲科摩羅菲律賓🇵🇭5-1 🇲🇲緬甸中國🇨🇳0-0 🇹🇭泰國柬埔寨🇰🇭2-0 🇭🇰中國香港印尼🇮🇩1-0 🇲🇿莫桑比克吉爾吉斯斯坦🇰🇬0-0 🇵🇸巴勒斯坦拉脫維亞🇱🇻0-1 🇫🇴法羅群島亞美尼亞🇦🇲1-1 🇲🇩摩爾多瓦埃塞俄比亞🇪🇹1-1 🇲🇼馬拉維塔吉克斯坦🇹🇯1-1 🇮🇳印度愛沙尼亞🇪🇪1-0 🇱🇹立陶宛民主剛果🇨🇩1-2 🇨🇱智利白俄羅斯🇧🇾2-2 🇧🇫布基納法索俄羅斯🇷🇺3-0 🇹🇹千里達匈牙利🇭🇺3-1 🇰🇿哈薩克斯坦安哥拉🇦🇴3-0 🇨🇫中非多哥🇹🇬5-1 🇧🇯比寧聖馬力諾🇸🇲1-2 🇦🇿阿塞拜疆利比里亞🇱🇷3-1 🇸🇱塞拉利昂沙地阿拉伯🇸🇦0-0 🇸🇳塞內加爾阿根廷🇦🇷3-0 🇮🇸冰島伊拉克🇮🇶0-2 🇻🇪委內瑞拉

FIFA 🌍⚽️