【On.cc】陳煒驚喜首與羅嘉良合作 張曦雯喪食反瘦冇刻意減肥
陳煒與張曦雯（Kelly）今日（14日）在深圳出席新劇《模範律師團》開鏡拜神儀式，陳煒透露新劇中的角色正是《正義女神》角色高淑樺8年前的故事，會聚焦她與兒子的母子情，及解釋兒子為何成魔，而她跟羅嘉良（撈家）是師兄妹，兩人關係會由好轉差，她指很開心跟對方合作：「我同佢係同代演員，但一直冇機會合作，冇諗過咁多年後可以合作，至於（楊）茜堯，我喺無綫第一套劇《法網狙擊》就係同佢同劇，但兩人冇對手戲，今次次算係第一次正式合作。」她稱劇中有大量法庭對白，要努力背熟，實行輸人唔輸陣。
至於Kelly今早6時已拍了兩場戲，非常順利，現場見她瘦了不少，她稱沒有刻意減肥：「我好努力食嘢，每次返大陸拍劇都會肥咗，因為叫外賣太方便。」談到角色，她自言最不受大家歡迎，因經常搞事，劇中她飾演撈家的徒弟，她揚言劇裏劇外對方都是自己師傅：「今次係第一次同佢合作，尋晚一齊食咗餐飯，佢比我想像中風趣幽默，我見到佢面，即時叫佢師傅，多多指教。」
煒哥擔正！
首與羅嘉良合作。
Kelly又瘦咗！
煒哥又可以挑戰自己。
齊齊接受訪問。
令人期待。
陈炜
