飛常日誌II｜大隊廣州宣傳分享角色發展 各專業合力創建機場城市

由 香港機場管理局 全力協助 炮製嘅航空專業劇集《飛常日誌II》星期一首播，除咗香港觀眾可以經由 翡翠台 同 myTV SUPER 收睇外，大灣區同其他內地城市觀眾，亦一樣可以透過 埋堆堆App 隨時隨地收睇新劇。

劇集透過各個角色唔同嘅入職經歷與職場際遇，立體呈現 Hong Kong International Airport 香港國際機場 邁向機場城市嘅轉型歷程，細緻刻畫機場由資深骨幹到新生代從業人員各司其職、傳承專業，堅守航運服務崗位嘅初心。

繼日前於機場舉行盛大啟播記者會後，《飛常日誌II》一眾演員喺監製陳耀全率領下，星期六遠赴廣州舉辦粉絲見面會。 高海寧 Ko Ling 劉穎鏇 Tiffany Lau Brian朱敏瀚 郭柏妍 Ricco Ng 吳偉豪 Joey Thye 戴祖儀 洪永城Tony的地球 鍾柔美 徐榮 等主演，以及編審黃偉強悉數現身，吸引近千名粉絲到場，氣氛熱鬧。

活動上播放《飛常日誌II》預告片，眾演員亦逐一介紹劇中角色、拍攝點滴，又分享劇照同推介劇情、內地同香港國際機場最新設施同服務資訊。TVB更準備《飛常日誌II》限量版精美明信片送予廣州粉絲，幸運觀眾更獲贈由香港機場管理局送出廣州往香港機場跨境車票同船票，吸引大批觀眾圍觀參與，場面哄動。

《飛常日誌II》故事講述楊尚偉（馬國明飾）、呂芷珊（高海寧飾）、陳杰（洪永城飾）、李勝祥（徐榮飾）四位機場骨幹踏入職涯新階段，肩負傳承專業嘅使命…天才少年程日飛（周嘉洛飾）、千金葉舒恩（鍾柔美飾）、前偶像車成軒（張馳豪飾）三位背景迥異嘅年輕人加入機場團隊，高雅文（劉穎鏇）回歸香港機場空降港灣航空管理層，與轉職地勤嘅張穎（戴祖儀飾）同時喺客運大樓工作…機長郭啟光（朱敏瀚飾）一次著陸決策引發爭議暫別飛行，轉往航空學院擔任導師；而新晉副機師方可兒（郭柏妍飾）喺停機坪運作員關宇安（吳偉豪飾）守護下展開飛行。

《飛常日誌II》 6月15號起 星期一至五晚 20:30