【On.cc】袁詠儀又追星趕去深圳睇騷　張遠台上嗌阿嫂冧爆

影后級的袁詠儀（靚靚）雖早已將男神張智霖（Chilam）私有化，但被網民發現她加入追星族，由香港趕往深圳捧內地歌手張遠場。在網上短片中，一身便服打扮的靚靚，在老公張智霖的陪同下，齊齊戴住口罩低調現身張遠演唱會的觀眾席，兩夫婦隨着音樂搖擺身軀，睇得相當投入，而張遠為歡迎貴賓遠道而來，在台上向歌迷以「哥哥嫂嫂」介紹靚靚夫婦，Chilam即向台上揮手示意，靚靚就露出興奮笑容。原來靚靚今次是擔任「跟得太太」陪老公睇騷，皆因Chilam和張遠合作內地綜藝節目《披荊斬棘》而結下深厚友誼，雙方私下交情甚篤。

袁詠儀忙到癲都要去睇騷。

原來係去見男神張遠。

張遠曾經同張智霖合作內地綜藝節目《披荊斬棘》。

所以張智霖都在場。

獲張遠台上大叫「哥哥嫂嫂」。

另外，靚靚除是賢妻外，最近她拍完內地綜藝節目《五十公里桃花塢6》後返回酒店時，被大批粉絲熱情包圍，爭相送上禮物，雖然場面有點混亂，但她依然保持笑容，親手接收粉絲心意，就算入到電梯內，也趁關電梯門前，透過電梯門罅和粉絲眼神交流，表現熱切、有禮。

袁詠儀繼續要拍節目，仲獲大批Fans追實。

袁詠儀一直保持笑容。