埃及歷來參與世界盃決賽週第九場賽事終於嚐到獲勝滋味！半場領隊夏辛重新調整戰術後，埃及上下面目煥然一新，薛高（Mostafa Zico）幫助球隊追和之後，沙拿（Mohamed Salah）亦都打破入球荒取得今屆賽事首粒入波！後備入替嘅中場球員沙耶特（Zizo Sayed）原本有機會將比數擴大到4粒，但係個人技巧玩得太多錯過機會。埃及成為首支享用新例嘅球隊，中堅艾迪瑪基（Hossam Abdelmaguid）84分鐘先入替沙拿上陣，結果98分鐘因腦震盪🤕被換走，此時埃及已經用完五個換人名額，可以享用新例嘅特殊情況下進行第六次換人。

紐西蘭喺上半場發揮好好，但係下半場就無辦法應對埃及變動後喺進攻帶來嘅衝擊。蘇文（Finn Surman）攻入紐西蘭今屆賽事嘅第三粒入波，不過同保素（Michael Boxall）嘅雙中堅組合喺應對埃及上三路波攻勢甩位都比較嚴重，包括薛高以及後備入替嘅查斯古特（Mahmoud Trezeguet）都能夠從佢哋身上頭槌得分。基斯活特（Chris Wood）受制於埃及嘅防守有點獨木難支，全場只錄得一次射門兼唔中龍；上一仗梅開二度嘅伊利查祖斯（Elijah Just）同樣冇咩建樹。

世界盃分組賽賽事賽果-Group G比利時🇧🇪0-0🇮🇷伊朗紐西蘭🇳🇿1-3🇪🇬埃及

FIFA World Cup 2026 🇺🇸🇨🇦🇲🇽世界杯世界盃分組賽