今次喺世界盃採訪期間搶走唔少焦點嘅，正正就係 DAZN意大利主持伊莉安勞菈欣卡當娜（Eleonora Incardona）。

佢早前現身法國對塞內加爾一戰，因為採訪造型夠曬搶眼，隨即成為網民討論焦點。有人大讚佢靚到犯規，亦有人批評佢喺世界盃場合著得太過火，總之場內場外，佢都成功吸走唔少注意力。

不過伊莉安勞菈又唔只係單靠樣出位，翻查資料，現年36歲嘅佢，來自西西里拉古薩，曾修讀法律，早年亦參加過選美賽事 Miss Italia 2010，之後先慢慢轉型做體育主持，近年主力幫 DAZN 報道意甲等賽事。

而除咗主持身份之外，佢另一個被人留意嘅標籤，就係 AC米蘭中場歷基（Samuele Ricci） 女朋友。不過有趣嘅係，論社交平台人氣嚟講，佢IG followers 係男朋友嘅6倍，坐擁超過150 萬fans，網上曝光度完全唔輸俾唔少球員。

對伊莉安勞菈自己嚟講，今次其實唔止係靠畫面爆紅咁簡單。佢喺社交平台都坦言，能夠喺世界盃現場做主持，本身就係自己一直以來嘅夢想。所以今次大家見到嘅，一方面係場邊搶鏡造型，另一方面其實都係佢真真正正踏上咗自己一直想去嘅舞台。🇮🇹