▪️Icon 式嘅入波，嚟到個人世界盃決賽週嘅第28場比賽，美斯（Lionel Messi）將佢總入球數字提升到18個，超越一眾球星或者名宿位居首席！若非早段十二碼宴客，佢嘅入球數字可以更上一層。

阿根廷不變應萬變，繼續傳統嘅442陣式，配合依然相當悅目。相反奧地利嘅主力陣容當中，後防就有兩個位置變動，普斯治（Stefan Posch）移居右閘，林瑪（Konrad Laimer）擔任左閘，而中堅就有奇雲丹素（Kevin Danso）夥拍艾拉巴（David Alaba），不過效果出來就麻麻。球隊第二個失球，中場西禾特（Nicolas Seiwald）都幾大責任。沙比薩（Marcel Sabitzer）係全隊發揮最好嘅一位；喺落後之後奧地利嘅球員嘅情緒管控有待提高。

Shakira 同籃球名宿真路比利（Manu Ginóbili）都有入場幫老友美斯打氣，可以好好盡慶一下！

▪️原本凌晨五點開始嘅賽事，因為雷雨天氣延遲足足踢到成九點先結束。麥巴比（Kylian Mbappé）入兩球，累積喺世界盃決賽周入波去到16球 ，今場左右腳各入一球。奧利斯（Michael Olise）踢進攻中場繼續有唔錯嘅效果，交波嘅時機同傳送能力都強；文奴干尼（Manu Koné）踢中場中表現好平穩 。

伊拉克有明顯嘅實力差距，各方面嘅質素都處於下風。今仗換咗守門員，由巴斯（Ahmed Basil）把關，但能力同上一場嘅夏辛（Jalal Hassan）都係差唔多。而佢哋暫時喺世界盃決賽周踢咗五場，全部輸曬。

世界盃分組賽賽事賽果-Group I法國🇫🇷3-0🇮🇶伊拉克挪威🇳🇴🆚🇸🇳塞內加爾（賽事進行中）

Group J阿根廷🇦🇷2-0🇦🇹奧地利約旦🇯🇴🆚🇩🇿阿爾及利亞（稍後時間進行）

FIFA World Cup 2026 🇺🇸🇨🇦🇲🇽世界杯世界盃分組賽