Ali李佳芯李佳芯宝藏花旦 【香港01】好彩未遇过欺凌　拍旅游节目曾被躁底导演吓到喊：系人都闹

由伍健雄监制、吴家伟执导的电影《慾望寄生》今日（22日）举行开镜拜神仪式，视后李佳芯（Ali）有份演出，更是她继客串《金童》后相隔一段长时间再拍电影，她饰演女警，庆幸是「靠把口」，故没有打斗场面。至于卢镇业（小野）则饰演余香凝老公，他今日以全新的留鬚造型示人，笑言已不是《夜王》中的二世祖，而是贴地的送货司机，马死落地行。对于留鬚造型，他说：「我觉得都几新鲜，但係我本身天资唔係好够，有啲疏，啱啱化妆，补少少色，但我自己想试吓再多啲须，好似陆骏光嗰啲，啲须靓好多！」至于女友廖子妤（Fish）有什么评价，他透露自己忙开戏、Fish又排练舞台剧，因此二人近来比较少见，天各一方。

Ali今次主要跟余香凝、袁咏仪对手戏较多，更要盘问二人，感恩可以向两位影后偷师。问到适应了拍电影的节奏没有，Ali说：「永远都唔会适应咗，每一次都喺度适应中。」并指到演出的一刻仍不断在调整角色。Ali说不敢期望在影圈大展拳脚，但有机会就会珍惜，对她来说，影圈有很多人都未合作过，包括身边的小野，所有人和事都很新鲜，期待跟每一位合作。

早前无线剧《翻叮一族》的欺凌风波闹得沸沸扬扬，Ali说自己很好彩，庆幸没遇过；至于有冇见过欺凌事件发生，她说：「开工咁日以继夜，好难冇脾气同情绪，但系通常我都系自己处理情绪，我系净系要搞掂自己角色同对白已经好忙，都唔得闲理咁多嘢，当然有时总会有情绪，好多时一过咗就冇事，我见就算身边嗰啲都系，大家净係想做好个戏。」被问有否试过被闹喊，Ali表示：「我以前拍旅游反而有，拍剧就真系冇，我细个啲嘅时候有试过俾人影响，导演好躁底，系人都闹，我自己就觉得好委屈。其实就算唔係闹我，都觉得做乜要搞到气氛咁差，自己觉得好唔开心，但系反而开剧又未遇过，可能大个少少，识得控制情绪啲。」

而讲到拍亲热戏有没有遇过对手临时「加戏」，Ali笑说：「我自己就真係冇，我自己好彩。我加啰，我加落黎诺懿嗰度，有边个男主角OK，我就加落去。」记者提到森美曾透露跟Ali在《夸世代》原本有咀戏，但最终Ali表示冇需要，Ali几乎已忘记此事，但就笑言：「佢咁唔甘心？我自己都唔记得咗，我真係唔记得咗！我记得有一场我嗰时要擒佢，讲我个角色係癫嘅，『我要除晒你啲衫！』擒上去，哗！如果我咀，我咪做唔到好多嘢？可能係因为咁样所以我冇嘴，用咗第二啲嘢嚟代替咗。」