藝人方力申（小方）現身好友林盛斌（Bob）世界巡迴棟篤笑記者會，他讚Bob「搏命」主題貼切，好欣賞付出努力的人。小方透露11月將會參加渡海泳由香港游到澳門，這是繼7年前的環島泳後另一次大挑戰，上次環島泳45公里，今次距離只有35公里距離較短，但要挑戰急浪，而且冇以前般年輕，太太怕暈船浪，會與女兒在澳門岸上為他打氣，小方近日已積極加操練水，每日練兩個鐘，笑言少了時間陪女感不捨。

小方稱女兒現在6個半月大，愈來愈得意，透露今日收到女兒「送大禮」，臨出門口時，他教女兒講「爸爸」，終於第一次聽到女兒叫了一聲爸爸，他說：「雖然囡囡兩星期前叫咗媽媽先，但佢今日重複跟住我講，好感動。」不過小方打趣指女兒是「戲子」，當哭鬧扭媽媽抱後會露出奸笑樣，他說：「係縱呀！睇過一啲研究話小朋友喊得多對腦部發育唔好，會有創傷呀！所以冇計啦！」