▪️伊斯美拿沙亞（Ismaila Sarr）係塞內加爾今屆賽事嘅一大驚喜，過去一季亦已經喺水晶宮好好證明咗自己。呢支非洲球隊喺兩場分組賽嘅表現都乏善可陳，兩戰兩敗之下，尾場擊敗伊拉克相信係佢哋嘅終極目標。另外，有傳該隊遇上比較棘手嘅「問題」，今次球隊上下嘅開銷，基本都係由文尼（Sadio Mané）負責墊付。

挪威整體發揮對版，喺控球同埋門威脅上不如對手，但進攻效率方面取得壓倒性，全場10次攻門有7次中目標。效力拖連奴嘅馬古斯柏達臣（Marcus Pedersen）以及博杜基林特嘅貝治（Patrick Berg）兩位後備入替嘅球員都有好表現，前者貢獻打開紀錄嘅入球；夏蘭特個人今屆入球數去到4粒；索洛夫（Alexander Sørloth）兩場累計上陣155分鐘，表現麻麻，希瑾（Torbjørn Heggem）嘅防守端問題需要得到重視。

▪️阿爾及利亞賽前被睇好一線，但係比賽過程就唔係咁。約旦龜縮防守令佢哋半場冇太多好嘅機會，馬列斯（Riyad Mahrez）最少浪費咗兩次半單刀嘅良機。下半場教練彼高域調動之後，喺中後段完成反吸，呢三分對於球隊來講非常重要，目前同奧地利同分，最後一場即使和波都好大機會能夠攜手出線。

約旦打出咗佢哋應有嘅水準，甚至係高過預期。首場取得歷史第一球之後，今場波更加有機會挑戰首個三分乃止一場和波，可惜未能守到最後。上半場嘅入波有點「芙碌」，艾譚瑪利（Mousa Al-Tamari）第一時間射波不過「噠Q」，結果就益咗隊友艾華殊丹（Nizar Al-Rashdan）。

*附I、J組分組積分排名

FIFA World Cup 2026 🇺🇸🇨🇦🇲🇽世界杯世界盃分組賽