▪️哥倫比亞今屆同2014年嗰一屆一樣，分組賽保持不敗。

哥倫比亞三場比賽嘅專注度、隊型、穩定程度都非常唔錯，而且整體嘅戰術理念好清晰。咸美斯洛廸古斯（James Rodríguez）第11次喺世界盃決賽週上陣，成為哥倫比亞歷史上上陣最多嘅一位。雖然丹尼爾門奴斯（Daniel Muñoz）同摩積卡（Johan Mojica）無正選上陣，但辛廸亞高艾利亞斯（Santiago Arias）踢右閘都表現唔錯，助攻助守都好稱職；中場嘅普亞達（Gustavo Puerta）更加係越踢越好，防守出色，遠射有威脅。

葡萄牙幾位球員門前救駕，防守意識好強，包括魯賓戴亞斯（Rúben Dias）、維加（Renato Veiga）同 魯賓尼維斯（Rúben Neves）。佢哋喺進攻端組織始終唔係咁流暢，喺對方禁區頂位置能夠組織到真正有威脅嘅埋門唔多。

▪️「讓一追三」嘅民主剛果，最終成功掌握到自己嘅命運，亦都「順理成章」咁踢咗南韓出局。

理論上存在出線可能嘅烏茲別克斯坦喺比賽開始後積極搶功，箭頭蘇姆洛杜夫（Eldor Shomurodov）睇來對麥柏斯（Lionel Mpasi-Nzau）嘅企位有一番研究，三番四次笠射都令呢位民主剛果守門員「老貓燒鬚」，而9分鐘嘅入波就相當乖巧。喺15分鐘嘅頭一段時間後，佢哋嘅形勢就逐漸因為體能同埋戰術被對方識破而失去控制權。領隊簡拿華路喺下半場作出嘅調動並未對球隊有太大嘅改善，而且球員逐漸只能夠通過犯規來阻止對方進攻。

1974年以扎伊爾之名首度參賽三戰盡墨兼零入球狂失14波，52年後換名民主剛果再次出征，分組賽一勝一和積四分以分組最佳第三晉級淘汰賽創造歷史。喺比賽頭15分鐘落後1球，隨後開始逐步扭轉形勢，並且與自己追和越來越近。下半場用美耶利（Fiston Mayele）換走巴甘堡（Cédric Bakambu）之後，球隊迎來大爆發！佢嘅前插意識同門前捕捉機會頗有因沙基嘅感覺，加上韋沙（Yoane Wissa）梅開二度（個人今屆賽事累積攻入三個入波），呢場完美嘅反吸或會成為球隊嘅史詩級一戰。

世界盃分組賽賽事賽果-Group K民主剛果🇨🇩3-1🇺🇿烏茲別克斯坦哥倫比亞🇨🇴0-0🇵🇹葡萄牙

*附K組分組積分排名

世界杯FIFA World Cup 2026 🇺🇸🇨🇦🇲🇽世界盃分組賽民主剛果球迷俱樂部烏茲別克斯坦球迷俱樂部哥伦比亚球迷俱乐部葡萄牙球迷俱樂部