▪️森巴味道比較濃厚嘅球員唔多，安察洛堤都更多地要倚靠自己嘅判斷、自己嘅帶隊風格去贏比賽。

日本嘅熱誠、激情同拼搏程度無可挑剔，但計算、策略同用人嘅眼光就稍遜一籌。公道一點講，日本足球嘅體系路線冇行錯，但始終逐個拆開作比較，球員整體素質同頂流球星還係有差距，最少喺對抗性、反應、身體協調方面仍然有較大進步空間。若要硬性追究兩個失球，其一係伊藤 洋輝走甩咗卡些美路（Carlos Henrique Casimiro）；其二係田中 碧入替之後只有七成傳球成功率（7/10）。之但係，足球係集體運動，「飛」無論輸贏，所有人都要孭。缺兵少將嘅問題喺下半場中後段凸顯得相當厲害，尤其係鍊田 大地同佐野 海舟兩位中路球員半場已經黃牌在身。加上換邊後被針對性部署，令日本即便獲得反擊機會，都冇法子再形成有效嘅威脅。

你可以質疑巴西分組賽都未有盡全力，但係就非常好地保護好球員能夠儲力應付好淘汰賽，唯一嘅美中不足應該就係拉芬拿（Raphael Dias Belloli）。

世界盃1/16淘汰賽賽事賽果-南非🇿🇦0-1🇨🇦加拿大巴西🇧🇷2-1🇯🇵日本

世界杯FIFA World Cup 2026 🇺🇸🇨🇦🇲🇽1/16淘汰賽巴西球迷俱乐部日本球迷俱乐部