▪️十二碼決勝前夕換龍門，除非真係手握勝券，否則原本嘅守門員「上曬身」而被換走，反而俾對方球員重新奪回「心理優勢」都不一定。普波域治喺呢場比賽頭118分鐘相信戰術佈置都還係成功，而119分鐘換走今場表現神勇，最少有三次關鍵撲救嘅22歲守門員碧治（Patrick Beach），寄望今屆首次登場嘅馬菲萊恩（Mathew Ryan），結果就要自己「埋單」。呢次嘅調動之後，埃及喺準備十二碼之前鏡頭影到埃及助教喺安排十二碼射手嘅時候播咗馬菲萊恩過往救十二碼嘅片俾佢哋睇，而四位上場主射嘅球員都全部命中。

埃及歷來首次晉級決賽週淘汰賽階段，能夠再進一步，又創造歷史。馬莫殊（Omar Marmoush）距離自己嘅首個世界盃入波依然這麼近那麼遠；翰尼（Mohamed Hany）就唔係咁好彩，成為自1966年以來首位球員喺同一屆決賽週兩度「擺烏龍」嘅球員。

澳大利亞出局之後，今屆所有參賽嘅亞洲球隊都正式宣佈「全軍覆沒」。由當初揭幕後首輪分組賽五支球隊保持不敗，到續後嘅發展，亞洲球隊需要檢討嘅問題依然有好多好多。

世界盃1/16淘汰賽賽事賽果-南非🇿🇦0-1🇨🇦加拿大巴西🇧🇷2-1🇯🇵日本德國🇩🇪1-1（pen：3-4）🇵🇾巴拉圭荷蘭🇳🇱1-1（pen：2-3）🇲🇦摩洛哥科特迪瓦🇨🇮1-2🇳🇴挪威法國🇫🇷3-0🇸🇪瑞典墨西哥🇲🇽2-0🇪🇨厄瓜多爾英格蘭🏴󠁧󠁢󠁥󠁮󠁧󠁿2-1🇨🇩民主剛果比利時🇧🇪2-2（e.t. ：1-0）🇸🇳塞內加爾美國🇺🇸2-0🇧🇦波斯尼亞西班牙🇪🇸3-0🇦🇹奧地利葡萄牙🇵🇹2-1🇭🇷克羅地亞瑞士🇨🇭2-0🇩🇿阿爾及利亞澳大利亞🇦🇺1-1（pen：2-4）🇪🇬埃及

世界杯FIFA World Cup 2026 🇺🇸🇨🇦🇲🇽1/16淘汰賽澳大利亚球迷俱乐部埃及球迷俱乐部