▪️佛得角嘅表現，確實會令唔少資深球迷回想起1990年世界盃嘅喀麥隆，而對手就將英格蘭換成係阿根廷。

佛得角嘅韌性，球員嘅心態都係決定比賽走勢嘅關鍵，呢一點對阿根廷造成咗好大嘅困擾。兩度落後兩度追和，尤其係加時階段卡巴爾（Sidny Lopes Cabral）靚到絕嘅入波。若非伊美利安奴馬天尼斯（Emiliano Martínez）116分鐘撲走佢嘅罰球，呢位佛得角進攻球員甚至帶領球隊逼和衛冕嘅阿根廷將比賽拖入十二碼決勝。

阿根廷喺三場分組賽都唔算經受太大考驗，意想唔到佛得角會成為晉級嘅第一道屏障。美斯（Lionel Messi）入到今屆個人嘅第7個入波，世界盃決賽週嘅第20個入波，而呢場都係佢哋今屆第二場喺美斯以外有其他球員入波嘅場次。利辛度馬天尼斯（Lisandro Martínez）捕捉到入波機會都能夠把握好；羅美路（Cristian Romero）嘅頭槌擊中甸尼波基斯（Diney Borges）隻手折射入網，大會就將入球計落後者身上（烏龍）。

阿根廷衛冕之路先過一關，呢一仗相信包括領隊史卡朗尼在內都上咗寶貴嘅一課。而佢哋1/8決賽嘅對手，將會係淘汰澳大利亞嘅埃及。

世界盃1/16淘汰賽賽事賽果-南非🇿🇦0-1🇨🇦加拿大巴西🇧🇷2-1🇯🇵日本德國🇩🇪1-1（pen：3-4）🇵🇾巴拉圭荷蘭🇳🇱1-1（pen：2-3）🇲🇦摩洛哥科特迪瓦🇨🇮1-2🇳🇴挪威法國🇫🇷3-0🇸🇪瑞典墨西哥🇲🇽2-0🇪🇨厄瓜多爾英格蘭🏴󠁧󠁢󠁥󠁮󠁧󠁿2-1🇨🇩民主剛果比利時🇧🇪2-2（e.t. ：1-0）🇸🇳塞內加爾美國🇺🇸2-0🇧🇦波斯尼亞西班牙🇪🇸3-0🇦🇹奧地利葡萄牙🇵🇹2-1🇭🇷克羅地亞瑞士🇨🇭2-0🇩🇿阿爾及利亞澳大利亞🇦🇺1-1（pen：2-4）🇪🇬埃及阿根廷🇦🇷1-1（e.t. ：2-1）🇨🇻佛得角

世界杯FIFA World Cup 2026 🇺🇸🇨🇦🇲🇽1/16淘汰賽阿根廷球迷俱乐部佛得角球迷俱乐部