▪️進入到1/8決賽（十六強淘汰賽），世界盃都逐步高唱入雲！適逢美利堅250週年獨立日，賽前有一系列嘅表演慶祝，球迷觀眾都可以身在其中感受一下氣氛。今日頭兩場賽事都好多非技術性動作、埋牙鏡頭，似乎就唔係咁「友好」，奈何為求贏波短兵相接都在所難免。

摩洛哥對陣加拿大，難度就肯定不如三十二強戰對荷蘭之大。不過喺加拿大「肉搏」戰術底下，半場來講佢哋都冇咩甜頭，更有主力射手沙巴利（Ismael Saibari）傷出，後續情況都需要留意。半場調動之後，球證整體有咗明顯改善。三個入波都有團隊合作嘅精萃體現，其中兩個入波都係來自攻中安拿希（Azzedine Ounahi）嘅手筆，佢同艾舒拉夫（Achraf Hakimi）聯手炮製嘅都一個罰球入波最為精彩。守門員邦奴（Yassine Bounou）飽經滄桑，單單下半場已最少有三次被對手侵犯。

加拿大從一開始就積極搶攻，態度好堅決，直到最後一分鐘都依然希望哪怕最少入一個波。球員喺防守端嘅動作都幾大，上半場左閘拿利亞（Richie Laryea）同艾舒拉夫爆發口角肢體衝突，結果一人「五十大板」。尾段落後，但凡有死球守門員嘅基彼奧（Maxime Crépeau）都積極上前參與，惜無功而回，更喺補時末段輸多粒。

世界盃1/8決賽賽事賽果-加拿大🇨🇦0-3🇲🇦摩洛哥

世界杯FIFA World Cup 2026 🇺🇸🇨🇦🇲🇽1/8決賽加拿大球迷俱乐部摩洛哥球迷俱乐部