▪️賽前名宿芝拉華特嘅一番言詞亦不無道理。不過巴拉圭今場波就創下咗近50年世界盃淘汰賽俾波成功率最低嘅紀錄(54%, 99 of 183)，全場數據包括：攻門、傳球、角球控球率法國都係翻倍嘅領先，期望值對比係0.1-1.67。

巴拉圭將傳統南美防守文化都盡使其中，防守之餘都嘗試不斷用言語「蒘㷫」對手，令對方比賽情緒受到干擾。至於佢哋嘅瘋狂犯規但唔使攞牌，賽後就值得商榷。龜縮防守亦都帶來風險，兩名進攻主力恩斯素（Julio Enciso）同艾美朗（Miguel Almirón）搏到盡而傷出，可以話斷埋最後嘅續命神丹，亦足以證明佢哋同法國之間所存在實力上嘅差距。

大熱門法國呢場比賽踢得都幾辛苦，喺對方防守攔截阻斷以及鐵桶陣之下，想「大手交易」幾無可能。最終都係依靠後備入替嘅杜爾（Désiré Doue）搏到十二碼，由麥巴比（Kylian Mbappé）操刀射入。呢個入波係佢今屆個人第七個入波，同時係佢征戰世界盃以來嘅第十九個入波，場均一球（19場入19波）嘅紀錄，續寫佢喺世界盃嘅傳奇歷史。淘汰巴拉圭後，法國喺八強嘅對手將會係摩洛哥。

世界盃1/8決賽賽事賽果-加拿大🇨🇦0-3🇲🇦摩洛哥法國🇫🇷1-0🇵🇾巴拉圭

世界杯FIFA World Cup 2026 🇺🇸🇨🇦🇲🇽1/8决賽法国球迷俱乐部巴拉圭球迷俱乐部