▪️夏蘭特（（Erling Haaland）連續14場具競爭性嘅國際賽都取得入波，總數54場入62球，挪威就歷史性第一次打入世界盃八強。

夏蘭特成為大家嘅焦點，把握能力確實非常強勁，但一位今季只為西維爾上陣七場嘅守門員尼蘭特（Ørjan Nyland）演出更加關鍵，佢救出十二碼，封阻恩迪克（Endrick Felipe Moreira de Sousa）嘅單刀同阻擋烏龍波嘅發生，表現同樣值得表揚。挪威今屆有主力核心球員，亦都有具份量嘅副選成員，今場半場換走一對翼鋒都係關鍵嘅舉動，特別係後備入替嘅卜比（Oscar Bobb）。而挪威歷來五次對巴西保持不敗，分別係1988、1997、1998、2006以及2026。

巴西今場嘅換人選擇同時機值得商榷，換入丹尼路山度士效果一般。尼瑪（Neymar da Silva Santos Júnior）嘅第一場國際賽同第一個國際賽入波係喺2010年8月10號紐約嘅 met life stadium 取得，當時佢只得18歲；佢嘅最後一場國際賽同最後一個國際賽入波係喺2026年7月5號紐約嘅 met life stadium 取得，芳齡就34歲，賽後佢宣布正式退出國家隊。

最後階段嘅十二碼發生一段插曲，當尼瑪攞到個波準備主射碼時，尼蘭特對著佢大嗌：「我一定會救撲走你個波！我一定會阻止你！」呢位巴西巨星隨即反擊：「你確定？」緊接著，尼瑪更挑釁地問咗句：「你想我射邊一邊？」當佢成功將球送入網後，隨即帶著嘲諷嘅微笑走向尼蘭特，並對著佢講：記住我個名叫尼瑪！」

賽後夏蘭特接受採訪：「如果畀到我一、兩次機會，通常都可以轉化成入球。老實講，我都唔係太清楚自己點解可以做到，我天生就係咁！我諗關鍵係專注啩，當機會嚟到嗰陣，我心入面好清楚自己要做啲乜。」 「我喺今屆世界盃到達過幾次巔峰，但每一個巔峰之後，都會有更高嘅新巔峰。」🔝

世界盃1/8決賽賽事賽果-加拿大🇨🇦0-3🇲🇦摩洛哥法國🇫🇷1-0🇵🇾巴拉圭巴西🇧🇷1-2🇳🇴挪威

世界杯FIFA World Cup 2026 🇺🇸🇨🇦🇲🇽1/8决賽巴西球迷俱乐部挪威球迷俱乐部