▪️美國有好多次進入球場三分之一區域（對方），左側進攻次數更多達31次，但係都無功而返，全場7射僅兩次中目標。相反比利時效率致勝，不畏強權之下，輕輕鬆鬆進入1/4決賽。

美國嘅進攻套路比較單調，如上述提及基本以左路為主，呢個喺對方防守適應之後係會比較容易處理。巴洛根（Folarin Balogun）事件確實令人匪夷所思，挑戰公平競技底線嘅行為，希望最終會有個合理嘅結局。普列錫（Christian Pulisic）狀態亦唔fit，最終更以傷出作結；麥堅尼（Weston McKennie）表現亦受制於對手嘅戰術影響，發揮大不如前。普捷天奴同前任教練都有一個問題，對個別球員未有盡用，雷拿（Giovanni Reyna）係首當其衝。守門員菲斯（Matthew Freese）以及基斯李察士（Chris Richards）嘅犯錯係不可原諒嘅，亦都打亂咗球隊嘅部署同埋影直接響到最終戰果。

魯迪加西亞「薑越來越辣」，排兵布陣方面今仗完勝對手，球隊所展現出嘅耐性都值得稱讚。唯一美中不足係安蘭拿（Amadou Onana）膝傷退賽，賽後需要撐拐杖嘅情況睇來，基本都可以肯定無法再出席餘下決賽週賽事。迪卡特萊爾（Charles De Ketelaere）梅開二度，今屆賽事個人累積到第三個入球；托沙（Leandro Trossard）除咗貢獻一個助攻之外，係今場比利時表現最好嘅一個；後備入替嘅雲拿根（Hans Vanaken）同盧卡古（Romelu Lukaku）把握住對方球員失誤都有收穫，後者累計都取得咗今屆第三個入波。

*本場比賽過後，今屆嘅三個主辦國亦宣告全部出局。（全部止步16強）

世界盃1/8決賽賽事賽果-加拿大🇨🇦0-3🇲🇦摩洛哥法國🇫🇷1-0🇵🇾巴拉圭巴西🇧🇷1-2🇳🇴挪威墨西哥🇲🇽2-3🏴󠁧󠁢󠁥󠁮󠁧󠁿英格蘭葡萄牙🇵🇹0-1🇪🇸西班牙美國🇺🇸1-4🇧🇪比利時

世界杯FIFA World Cup 2026 🇺🇸🇨🇦🇲🇽1/8决賽美国球迷俱乐部比利时球迷俱乐部