▪️上半場浪費咗次十二碼機會嘅麥巴比（Kylian Mbappé）下半場有靚波進帳，佢連續兩屆世界盃至少入八球，亦都喺過去二十場決賽週賽事當中攻入咗二十個入球！奧士文迪比利（Ousmane Dembélé）今屆都有五個入波，成為第三位法國球員喺一屆比賽裏面取得至少五個入球，喺法國今屆到目前為止嘅16個入球裡面，佢同麥巴比就兩位就貢獻咗13球（包含入球/助攻）；艾瑪利（Warren Zaire-Emery） 今屆就第一次落場比賽。法國連續兩屆淘汰賽遇上摩洛哥，都係贏二比零，亦都係繼巴西同德國之後，第三個國家能夠連續三屆都能夠殺入準決賽階段。

邦奴（Yassine Bounou）喺世界盃面對個九個十二碼（包括互射十二碼階段），只被射入兩球，四球救出，三球對方射不中目標，佢喺呢兩屆世界盃都有非常優異嘅表現。摩洛哥半場只有一次埋門，來自隊長兼右閘嘅艾舒拉夫，而全場只有四次埋門，沙巴利（Ismael Saibari）嘅缺陣對佢哋影響好大。

1/4決賽賽事賽果-法國🇫🇷2-0🇲🇦摩洛哥

世界杯FIFA World Cup 2026 🇺🇸🇨🇦🇲🇽1/4決賽法国球迷俱乐部摩洛哥球迷俱乐部