▪️西班牙連續不失球時間定格喺今場賽事嘅41分鐘，迪卡特萊爾（Charles De Ketelaere）攻入個人本屆賽事嘅第三個入球，亦令西班牙守門員施蒙（Unai Simon）嘅零封紀錄作古。「殘陣」出戰嘅比利時，有安蘭拿（Amadou Onana）同泰利文斯（Youri Tielemans）兩位中場主力因傷缺陣，實力可以話大打折扣。另外，當fit嘅杜古（Jeremy Doku）今場表現麻麻，以速度見稱嘅佢，喺第一個失球要附上唔少責任- 正係佢被樸路（Pedro Porro）同耶瑪（Lamine Yemal）one- two放甩後傳中，丹尼奧摩（Daniel Olmo Carvajal）嘅射門被撲出而被法比安執雞。而比賽轉折點相信係古圖爾斯（Thibaut Courtois）傷出，佢喺71分鐘被換出前，最少有5次成功撲救。

耶瑪喺右路依然相當搶眼，佢繼續成為球隊最具威脅嘅核心人物；美連奴（Mikel Merino）繼上一仗之後再次成為「絕殺小王子」，睇嚟領隊迪拿芬迪有向艾迪達「取經」；一對中堅拿樸迪（Aymeric Laporte）同古巴斯（Pau Cubarsí）嘅防守都做得幾好，前者喺完場補時階段有一次相當重要嘅攔截。「吳京唔覺」原來西班牙都有成16年冇進入過準決賽（期間最好成績都係止步1/8決賽），對上一次係2010年，當屆佢哋最終問鼎。

*來緊準決賽，西班牙將會迎戰超級大熱門法國，呢場戲碼絕對可以媲美決賽，大家切勿錯過！

世界盃1/4決賽賽事賽果👇法國🇫🇷2-0🇲🇦摩洛哥西班牙🇪🇸2-1🇧🇪比利時

世界杯FIFA World Cup 2026 🇺🇸🇨🇦🇲🇽西班牙球迷俱乐部比利时球迷俱乐部