【On.cc】吳若希爭取親子時間　帶子女廣州餵長頸鹿

吳若希（Jinny)近日忙於為無綫處境劇《愛.回家之三代同糖》開工，趁有兩日空檔，立即爭取時間親子樂，一家去了就近的廣州玩，真不愧為時間管理大師，她在社交平台表示：「啊啊啊～～ 暑假陪唔到對仔女～～有啲sad，好彩～臨開工同佢哋走咗兩日～近近哋，廣州都照殺！！」她帶住對仔女去餵長頸鹿的視頻，見到家姐暴風式成長，長高到Jinny膊頭，而細佬對住長頸鹿有點驚驚，被Jinny取笑：「作為男仔搏啜仔（細仔暱稱）真係好細膽。」Jinny做稱職媽咪之餘，同時享受Me Time時間去泳池游吓水，認真識嘆。Jinny表示「越係冇時間，越想去旅行。」有網民用她首經典歌《越難越愛》玩食字建議她下一首新歌可叫做「越忙越去」。

吳若希享受生活。

吳若希是廿四孝母親。

幸福滿瀉。

吳若希與兒子餵長頸鹿。

吳若希與女兒餵長頸鹿。

吴若希