今日凌晨扣人心弦嘅賽事過後，亦都來到今屆賽事嘅最後直路- 準決賽嘅結束意味著往後嘅比賽只剩餘季軍戰以及決賽！除咗冠軍誰屬之外，球員數據都係大家關注嘅事宜。射手榜方面，美斯同麥巴比繼續以8球並列榜首，但領先幅度唔算大，包括比寧咸、夏利卡尼、奧士文迪比利以及奧耶沙巴都有機會後來居上問鼎神射手寶座；助攻榜方面，原本領先嘅奧利斯而家「岌岌可危」，「球王」美斯已經追貼到僅差一次；至於締造入球數呢一項，美斯已經完成對麥巴比嘅反吸重返榜首，若能摘得桂冠將好大機會包攬埋本次系列賽嘅MVP。

美斯喺今場比賽賽後由「老死」阿古路手中接過POM嘅獎項肯定「四萬」咁口，而佢亦都係同其他球員一樣，首次參與充滿議題性嘅英阿大戰並且成功擊敗對手。20號決賽嘅「卡士」都夠曬足料，歐洲冠軍🆚南美洲冠軍，據最新消息連同閉幕式+中場show，最少長度都去到160分鐘，呢個相信又創造世界盃嘅歷史之最！

Road to New JerseyFIFA World Cup 2026 🇺🇸🇨🇦🇲🇽Finale 🌍⚽️