【On.cc】糖妹疑空降《歌手2026》　同王菲愛女爭冠軍？

歌手黃山怡（糖妹）在社交網分享現身內地大型唱歌節目《歌手2026》的最新圖片，惹來「空降」比賽之揣測。不過她今次純粹為友情而來，相隔兩年再度擔任參賽歌手、加拿大摩洛哥裔創作歌手凡希亞（Faouzia）的「音樂合伙人」。

糖妹現身《歌手2026》錄影。

現場仲有加拿大歌手凡希亞。

糖妹對住鏡頭甜笑謂：「我今次係為咗佢而嚟」，鏡頭一轉即見她和進場的凡希亞擁抱，之後兩人齊進入錄影棚，而她十足「地頭蟲」一樣，指手畫腳似跟好友介紹現場的錄影設備，當凡希亞在台上排練時，她就企在台邊駐腳欣賞，表現認真，她再謂：「今次第一日嚟到《歌手》呢個舞台，見到晒我哋當時嘅導演同凡希亞，感覺就好似我哋昨日仲參加比賽一樣，見番凡希亞覺得佢瘦咗又靚咗，多咗啲女人味，現場聽佢唱歌就覺得喺音色上有啲變化，佢帶嚟嗰兩首歌，有一首係大家估唔到佢會唱嘅。」而官方公布剛在第10期奪得單場冠軍的竇靖童，請得內地男主持人鄭方一擔任其「音樂合伙人」。

原來糖妹係凡希亞嘅「音樂合伙人」。

糖妹並唔係「空降」比賽。

有官宣，身份大公開。

糖妹同凡希亞係好朋友，為對方參加拍攝。