【On.cc】陳山聰高空逗留16個鐘　馬國明江美儀爭住嗌羨慕

視帝陳山聰昨日（30日）出發往前約紐出席美國華裔小姐活動搵真銀，他在社交網晒機場的出發照，一身紅色連帽衞衣及運動長褲，非常搶眼，他在機場及機艙內不停擺甫士影相，Chok味十足，雖然要乘坐16小時飛機，但見他坐在商務位非常舒適地伸長雙腿又歎香檳，非常寫意，他寫道：「New York I'am coming，上飛機其實舒服之外都要靚！紐約嘅朋友仔可唔可以留言話我知有咩地方好玩好食？」他在限時動態中，又拍片表示：「準備要喺天空逗留16個鐘，諗起都興奮，16個鐘，可以做咩呢？除咗瞓覺，真係無乜可以做，可以跑4個馬拉松，有咩好餐廳同有咩shopping好去處，記得話我知，雖然我都做咗資料搜集，我會喺New York玩吓。」好友江美儀及馬國明對他大表羨慕，江美儀留言表示：「邊夠你撈呀視帝」，山聰笑言：「視后我要搬去妳附近吖嘛，咪要勤力啲囉」，馬國明則說：「＄又畀你搵晒喇」，山聰反擊說：「咁嘅嘢，你都講得出，係咪要鬥數先」而佘詩曼就着他一路順風。不少網民都積極留言向山聰介紹美食。

陳山聰要乘坐16小時飛機，佢都上網問有咩好做。

陳山聰紅色運動Look超有型。

陳山聰飛美國搵錢，搞到圈中好友個個嗌羨慕。

馬國明戲言啲錢畀陳山聰搵晒。

江美儀笑指唔夠視帝陳山聰撈。