【On.cc】譚俊彥生日收驚喜　三代同堂添喜慶

視帝譚俊彥（Shaun）昨日(30日)46歲生日，他罕有晒出攬住爸爸狄龍的合照，狀甚肉緊，向來嚴肅的狄龍，就臉露慈祥笑容，父子合照十分有愛。Shaun受訪時稱其實有攬妥全家人包括太太和子女：「我其實個個都有攬嘅！都係嗰句，可以攬就攬多啲啦！」生日願望希望身體健康，開心透露收到不少生日禮物：「朱古力蛋糕係我女親手整畀我，生日嗰日我陪個女去買咗佢人生第一支結他，我覺得呢個係生日禮物呀！我個女依家彈結他喎！開心死我。」Shaun喜歡唱歌及擅長彈結他，曾追逐歌手夢，女兒亦受感染喜歡上結他，將來大可父女檔演出。Shaun又表示細仔就畫了他的肖像畫送給他，畫中的爸爸rock味濃，感受到兒子眼中爸爸的另一面。藝人胡定欣、龔嘉欣、陳煒、袁偉豪及何廣沛等紛紛留言祝譚俊彥生日快樂，其中馬國明更祝他身體健康及一家平安。

譚俊彥是廿四孝丈夫。

譚俊彥是廿四孝爸爸。

譚俊彥愛鍚女兒。

譚俊彥是圈中的孝順仔。

幸福滿瀉。