【On.cc】張頴康志在有工開　郭柏妍主動同麥雅緻交代咀成點

已離無綫的張頴康尋日（3日）為無綫新劇《夫妻的博弈》做宣傳，他透露已成為曾志偉公司旗下藝人，他指聽聞公司會陸續簽其他藝人，但未見有蔡思貝，又謙稱自己並非公司一哥，只志在有工開：「公司接觸我嘅時候都考慮咗一陣，不過最後都答應咗，因為我同志偉係打波認識，覺得佢似一個大哥哥咁照顧我。」加盟新公司後，他已投入新劇《狩謊》拍攝跟內地藝人成毅合作，他大讚對方是內地頂流，每日開工吸引幾百粉絲圍觀，相當犀利，又稱讚對方為人無架子及表現專業，大家合作愉快。

張頴康依家係曾志偉公司旗下藝人。

張頴康話志在有工開，最近仲同內地頂流成毅合作。

談到他在劇中演渣男，與「小三」郭柏妍有大量嘴戲，他笑言：「劇中得閒就咀吓，我都問可唔可以少啲咀戲，因為好攰，而唔係享受，要避開穿崩位同遮住重要部位，唔擔心太太呷醋，佢從來都冇嚟探班，因為怕影響我，佢好相信我，而且郭柏妍會同佢交代。」

郭柏妍表示面對張頴康太太麥雅緻不會尷尬，揚言有麥雅緻及其女兒的電話聯絡：「我同佢個女鍾意同一個公仔，所以我有聯絡佢個女，而且我跟阿康一樣，將麥雅緻個電話聯絡名改為『老婆my love』。」張頴康笑言郭柏妍已融入家中。郭柏妍大讚張頴康是好對手，拍攝時給她很多提點，問到張頴康會否擔心被郭柏妍的粉絲鬧？他揚言不怕：「我就係想人憎我，其實好開心，可以演到現實中想做但唔敢做嘅嘢，其實現實中我係諗都唔敢諗。」

張頴康同「小三」郭柏妍向大家道歉。

郭柏妍自爆成日contact麥雅緻，仲改對方個名做「老婆my love」。

張頴康話咀到好攰，唔係享受。

郭柏妍自動向張頴康愛妻交代咀成點。