【On.cc】譚嘉儀雙喜臨門搞生日P　好友圍住影巨戒狂尖叫

歌手譚嘉儀尋日（13日）38歲生日，佢同時於社交網宣布獲圈外男友求婚成功，即將下嫁做人妻。未嫁人先興奮嘅佢，尋日梗係要大搞生日P賀一賀佢，同大批圈中好友齊齊分享喜悅，好似王菲、陳懿德、林鈺洧、李芷晴、黃嘉雯、周志文、周志康、翟威廉等，仲準備定兩個靚蛋糕、大紮鮮花送畀壽星女，非常有心。

譚嘉儀今個生日特別開心。

好友聚首賀佢生日兼訂婚成功。

陳懿德係座上客。

譚嘉儀場上再次宣布要嫁人。

席間，譚嘉儀親口再同大家宣布多次佢訂婚成功，現場眾人即識做起哄尖叫、狂叫「Oh my god」，一眾女士湧上前圍住影佢手上嘅巨型鑽戒，有人同隻戒指自拍，亦有人不斷恭喜譚嘉儀，男士們則一時扮冷淡，一時又掩面交戲扮震驚，翟威廉更扮嚇到落淚，表示「我冇機會喇…」好友們誇張表現，氹得女主角譚嘉儀笑到見牙唔見眼，場面混亂得嚟又搞笑。

全部人拎出電話影譚嘉儀手上隻巨型鑽戒。

男士們交戲扮震驚。

一眾女士見到隻戒指，即刻狂尖叫。

今次飲得杯落。

譚嘉儀難掩內心狂喜。

林鈺洧見證好友幸福時光。

譚嘉儀即將做索爆新娘。