【On.cc】胡杏兒驚訝老公與黃宗澤擁抱：我都係睇報道先知

藝人胡杏兒今晚（14日）現身慈善演唱會，與小朋友親切合唱《陪着你走》，分享自己未結婚前已經常與機構合作，而育有三個兒子後亦間中帶同他們一起做善事。談及同樣擁有三個兒子的陳凱琳早前與孩子入戲院時，疑因喧嘩及踢櫈引起其他觀眾不滿，杏兒表示有留意事件，雖然自己未經歷過，但知道當小朋友控制不到自己情緒及聲量時，家長應該及時去制止：「我會『殊』吓佢哋，咁人哋聽到家長有制止，可能心都會好一啲。（係咪老公控制仔仔勁啲？）不嬲爸爸把聲都係勁，佢一出聲啲仔就即刻收聲。」

提到日前其丈夫李乘德（Philip）在馬來西亞與其前任黃宗澤（Bosco）的偶然相遇，兩人不僅握手致意，更熱情擁抱，被外界戲稱為「世紀擁抱」，胡杏兒指兩人並不相識，不過笑言現時社交平台發達，大家經常通過新聞或平台見到很多人，即使素未謀面都會產生熟悉感，又指雖然見到他們兩人擁抱感到很驚訝，不過事情都已經很久之前，加上大家都是成年人，是一個很正常的社交，所以沒有很在意。

她透露自己也是透過報道才知道這件事，曾打趣問老公怎麼沒及時「匯報」，不過老公則表示自己都忘記了，完全沒放在心上，而問到老公是否知道Bosco是其前任，杏兒即笑言：「佢梗係知，全香港都知喎，依家網絡咁發達，咁都冇乜嘢好小事啫，即係見到都會打招呼。（你見到Bosco都會打招呼？）會，冇嘢，我都結咗婚生咗仔，我祝福佢囉，最緊要大家開開心心、身體健康，尤其佢媽咪都係。」當被問及未來是否有機會與Bosco同台合作或對戲時，胡杏兒笑言：「觀眾未必想睇喎。（未必㗎）好怪喎。（老公會唔畀演？）佢唔會唔畀啦，大家都係專業演員，睇吓咩角色囉。」

胡杏兒現身。

胡杏兒驚訝老公與黃宗澤擁抱。

胡杏兒老公李乘德偶遇黃宗澤。

仲嚟個「世紀擁抱」！

胡杏兒話老公冇同佢及時「匯報」。