【On.cc】馬國明親解開10級美顏濾鏡之謎　傅嘉莉試衫試足兩日藝人馬國明與傅嘉

【On.cc】馬國明親解開10級美顏濾鏡之謎　傅嘉莉試衫試足兩日

藝人馬國明與傅嘉莉（Kelly）今日（16日）出席無綫劇集《夫妻的博弈》宣傳活動，她透露今次才首度跟馬國明合作，劇中飾演大明星的她有多套靚靚戲服，她笑言試衫也試足兩日，似重操模特兒故業。

至於馬國明被網民指劇中開了10級美顏濾鏡，磨皮過度感違和，他說：「因為套劇似童話，我個角色人設都係好童話，可能觀眾睇唔慣，我初初都睇唔慣，後來覺得冇乜嘢，唔覺得自己靚仔咗，男仔分別唔大。佢冇乜反應，可能佢睇開韓劇同內地劇，內地劇同韓劇好多時好夢幻都會有濾鏡。」他強調並非自己要求加濾鏡：「我冇得控制加唔加，我得出聲亦唔會出聲，我都係出街先知，呢啲都係監製決定。」Kelly讚馬國明婚後狀態好，馬國明笑言可能有阿媽煲靚湯補養。另外，談到女主角高海寧因拍內地劇而缺席宣傳，馬國明坦言不知對方何時歸隊宣傳：「我唔想阻佢搵人仔，但都想佢快啲歸隊，因為呢套係大女主劇，佢唔喺度有啲尷尬。」