【On.cc】中年4︱周志康無緣晉級7強　哽咽多謝家人惹全場爆喊

無綫歌唱節目《中年好聲音4》邀得「情歌天后」衛蘭擔任嘉賓評審，10強歌手施展渾身解數演繹衛蘭的經典金曲，終極 7強正式誕生。賽果為：蔡宓婕《穿花蝴蝶》94 分、許雲妮《大哥》93 分、尹景順《陰天假期》93分、尤淑情《離家出走》92 分、許美琪《My Love My Fate》92 分、周志康《愛你還愛你》92分、鄭家聲《如水》91 分、陳旭培《街燈晚餐》91 分、吳亦偉《驗傷》90 分、鄭仲豪《就算世界無童話》90 分，即周志康、陳旭培及鄭仲豪則無緣晉級7強。

其中周志康被淘汱令觀眾最不捨，他亦在節目中哽咽憶述最初戴上面具以「企鵝人」身份參賽的心態：「多謝呢個節目，由一開始蒙住我塊面，我唔係邊個，我只係一個鍾意唱歌嘅人，多謝呢個節目，令到我、原來我把聲係可以觸動到人，呢件事我覺得好幸運，所以我多謝『企鵝人』。 多謝你哋（《中 4》戰友），由一開始我哋紫隊，我哋每一次唱歌，唔單止唱一首歌咁簡單，其實我哋當中要背負嘅嘢太多喇，佢哋背後嘅故事好值得大家去支持，所以我希望……就算我離開咗呢個舞台，7 強嘅朋友都可以得到大家嘅支持，因為大家都真係好唔簡單。」

周志康續說：「多謝我兩個女，陪住爸爸行呢段旅程，亦都要多謝我太太啦，因為呢段時間佢要照顧家庭，要照顧埋我，好愛佢哋。我阿哥周志文，我同佢唔需要講太多，因為我同佢真係心連心，Thank You！」全場哭成淚人，場面感人。

周志康無緣晉級7強。

周志康哽咽多謝家人。

喊晒！

周志康太太和兩個女都喊晒！

陳旭培被淘汰！

鄭仲豪無緣晉級7強。

終極7強正式誕生！