张国荣 问答1987● 如果要你变成动物，你会变做什么？熊猫！你地都知啦！熊猫咁珍贵，比人捉到都唔怕受虐待，又多人钟意，直情重好过做人！● 如果任你许三个愿，你会许哪三个？嗱！而家嘅三个愿望（一）转公司新唱片要打响头炮（二）英雄本色续集角色为大家受落（三）提名最佳男主角。● 如果你可以重新改造身体，你会选那部份？唔使改造啦！因为好满意自己个身体，好似我个眼、耳、口鼻都唔错！你地话啱唔啱！● 如果你知道自己只得三个月寿命，你会怎样去渡过？未谂过，我有咁短命啩，起码有八十岁啦！● 如果随你选择与任何一位歌星或影星合作，你选那一位？麦当娜！佢D台风唔错，Very Good！● 如果有日你去移民，你最爱到那个国家？哗！移民？香港非常好，如果要咪揾个有D香港风味嘅国家啰！好似冇喎！● 如果可以重新投胎，你会选择男性抑或女性？男性，做男仔几好了！事关好多嘢都方便过女仔，玩都可以癫D啦！重有好多嘢㗎！不过唔方便讲，你地谂吓啦！● 如果有朝起床，你发觉自己全头变白发，你会怎样？摸吓系咪假发啰！你知啦可能比人整蛊，如果唔系咪即刻染黑佢啰！同埋Check吓点解会咁！● 如果有人在公众场合对你讲粗言秽语，你会有何反应？当听唔到！等佢冇兴趣咪唔再讲啰！佢实收声噪！● 如果有一日不再工作于娱乐圈，会转行干什么？经营时装店或者高级餐厅，开时装店自己都可以着埋一份，而餐厅又可以食埋一份，你地话系咪几好！（记者：sunny，图文无关）编注：哇！文中的三个愿望竟然全部实现！