【On.cc】張振朗吳業坤「神同步」　渡輪上厚面皮高歌

無綫綜藝節目《試真D唷》載譽歸來，主持陣容除有第一季班底江美儀、朱敏瀚、吳業坤及曾展望（GM），還有新加盟的視帝張振朗，五人貫徹首季輕鬆搞笑，兼有話直說的貼地風格，衝出香港去到台北、台南及高雄「試真 D」。

四出搵好嘢食。

江美儀、吳業坤及張振朗，齊到網傳劣食海鮮店試食，狂批店中的食物「生魚片腥到像魚屍體泡冰箱三天，一口吃下去直接懷疑自己是啃拖鞋還是吃潲水」、「廚餘界米其林（米芝蓮）。」張振朗對是次「試伏」大感期待，爆笑謂：「見到啲負評去到咁樣嘅時候，我想試咯。」可惜他一鼓作氣、很快便遭該間海鮮店的「門面」打沉，事緣三位主持甫抵達門口，強烈魚腥味即撲鼻而來，店家的海鮮保鮮方法亦相當求奇，每樣海鮮上都只放了少少冰，難怪江美儀直接吐槽：「佢完全係超度咗好耐咁！」期間張振朗認真追加傳聞中的「潲水拖鞋魚生」，為了試伏完全將生命豁出去。

最終三人點了六道菜的「劣質」依然超出預期，除了大部分海鮮「唔夠熱」甚至係凍，蜆亦藏有大量的沙，味道一時過鹹一時過淡之餘，最恐怖是張振朗無論吃蝦、或是吃蜆，都吃出了不尋常的苦味，令他數度露出「苦過弟弟」表情，他說：「苦嘅點解」、「好似有啲乸喉」、「最大鑊係魚（石斑兩食），有魚麟，好腥」、「真係搞唔掂」、「我想講呢兩個係我人生食過最出色，好想即刻畀個正評佢哋。」

而最緊張刺激的是魚生試食時間，雖然價錢約50元港紙的魚生望落有啲「膠膠地」，張振朗與江美儀試吃前又你推我讓，但幾經擾攘，張振朗還是一嘢將魚生質落口，為了試真 D 更連豉油都唔點，吳業坤大叫「黐線架」。

三人還到了當地另一間大型海鮮店「試真 D」，甚有求真精神主持互動繼續爆笑，江美儀、吳業坤的「上下靶之情」夠晒抵死，張振朗與吳業坤的「刑偵 12」Broship亦相當吸睛，二人唔單止繼續大晒「神同步」絕技，更在渡輪上厚面皮高歌。

吃了不少好東西。

張振朗和吳業坤厚住面皮高歌。

默契十足。