【娛樂熱話】《試真D唷》 試伏新丁張振朗 體驗廚餘界米其林

承接第一季《試真D》收視與網路口碑的熱烈回響，江美儀再次與曾展望（GM）、吳業坤 （坤哥）、朱敏瀚（朱仔）及新加盟的張振朗，前往高雄、台南及台北，拍攝新一輯節目《試真D唷》。團隊走訪當地大街小巷發掘特色小店、夜市、景點，透過多種拍攝鏡頭，發掘評價兩極的店家、少眾新奇的在地體驗，以生活化無濾鏡的真實晝面，帶來全新旅遊體驗。

《試真D唷》9月6日起逢星期日8:00PM翡翠台

50台幣飯糰勁驚艷《試真D唷》繼續保持原有互動形式，讀取網民留言，驗證評價真偽，亦保留手機隨拍、眼鏡隨機錄影、隱藏偷拍模式，捕捉最真實畫面。一班主持亦會享真實感受，作出客觀的小眾景點、餐飲點評。第一集中，美儀姐先與GN及坤哥到訪高雄一家劣評如潮的燒肉店，剛進門已見曱甴橫行，三人只能保持鎮定，繼續入店試食。諗食後，坤哥竟有意外驚喜，覺得味道不錯，美儀姐亦讚蛋有蛋味。之後GM即場瀏覽網上劣評的照片，驚見在該店所買的外賣飯盒，竟滿是曱由，於是他們本於求真精神，即場一盒飯盒試真偽，到底他們會不會見到「曱甴飯盒」？隨後，三人挑戰用50台幣購買有豐富配料的飯糰，結果眾人被飯糰味道驚艷，甚至即場加購5個。

人生最「出色」的海鮮餐最後一站，試伏初哥振朗會合美儀姐同坤哥來到一個海產店試食。三人先看網民食評，發現劣評極多：「這家餐廳真的是地獄級，生魚片腥到像魚屍體泡冰箱三天」、「廚餘界米其林」。來到店舖，三人發現名不虛傳，雖然店員豪言：「東西不新鮮不收錢。」不過店外擺放的海鮮傳來勁大陣魚腥味，美儀姐直言：「（海鮮)超度咗好耐。」十分搞笑。菜式同樣不對路，白灼蝦、海瓜子等統統是凍的，蝦有苦味，蛤蜊多沙，魚湯淡如水，振朗亦無奈說：「應該係我人生中試過最『出色』。」雖然振朗食到生無可戀，不過仍做足本分，，品嚐網民劣評的生魚片。即使美儀姐怕不新鮮，叫他不要大啖食，他仍然照食大大舊食生魚片。見到振朗的表現，美儀姐也讚他大膽，不愧為同樣膽生毛的朱仔好兄弟，看來《試真D唷》試伏團隊又增添一大猛將。

美儀姐（中）與GM（右）及坤哥（左）再次豁出去試伏。

冧莊參與節目的朱仔帶同好兄弟振朗，一齊拍住上。

第一集中，美儀姐帶坤哥及GM先到一間被指衞生環境欠佳的燒肉店。

點菜時，三人已經發現有幾隻曱甴現身。

坤哥試食了燒肉飯，發現味道不錯，有炭燒香味。

網上食評有好多張相片，發現這間店買外賣會「附送」曱甴。

本著求真精神，三人即場買外賣，究竟裏面會不會有曱甴？

與上一輯一樣，三人亦會為試食店舖畀小眾點評分數。

三人試食一間好評爆燈的平價飯糰店。

飯糰十分足料，食到三位主持相當滿足。

坤哥同GM忍不住加買5個飯糰及豆漿。

振朗之後會合美儀姐及坤哥試伏。

食評指海鮮店是「廚餘界米其林」，振朗話好期待。

店外的海鮮不止新鮮，更沒有明碼實價寫海鮮售價。

坤哥又激親美儀姐，今次是因為打乞嚏唔掩嘴。

振朗發現蝦有苦味，美儀姐問他蝦腸清得不乾淨有屎，還是食到蝦膏?

之後再試食帶大家走入沙漠的蛤蜊。

淡而無味的生魚片，食到振朗生無可戀。

三人賽後報告，唔使問梗係劣評喇。