【On.cc】胡定欣與粉絲開生日P　獲承諾陪佢搞到99歲

藝人胡定欣將於本月9日迎來45歲生日，昨日（6日）其粉絲後援會提前舉辦生日派對共同歡聚，順道慶祝她近日推出處女歌《未知也好》。

胡定欣45歲生日同粉絲過。

定欣以粉紅打扮亮相，不但手捧大束鮮花，還收到以咪高峰和唱片為點綴的雙層蛋糕，甜到入心，難怪全程笑容滿面。粉絲齊聲合唱生日歌後，她搞笑表示：「我有時會諗，去到呢個年紀係咪每一年都要繼續搞生日會。」隨即有粉絲大嗌：「搞到99歲！」逗得她大笑。定欣又指可能過多幾年，大家便可以在生日會上組隊打麻雀，決戰四方城，相當搞笑。幽默過後，她不忘真誠感謝每一位到場的粉絲：「每年香港、內地或馬來西亞嘅朋友都會過嚟相聚，非常多謝大家陪我慶祝生日啦、陪我成長啦，今年仲陪我出歌。」聚會片段於網上曝光後，不少網民都敲碗期待定欣能到不同地方搞生日會，過足一個月！

有粉絲大嗌想同佢搞到99歲！

胡定欣每年都獲香港、內地或馬來西亞嘅粉絲陪佢過生日。

粉絲順道慶祝埋佢出處女歌，非常有心。