▪️雙方領隊賽後嘅心情都區別幾大，菲爾柏堅遜「年初四咁嘅樣」，都幾擔心佢個教頭位置不保；至於紐奴就笑到四萬咁口。

當然開心嘅唔但只紐奴，傷停作為座上客嘅蘇錫都笑到合唔埋口，事因韋斯咸踢到好似得番一隊波咁。查路保雲喺第一個進攻就令域斯咸驚出一身冷汗，呢位英格蘭國腳今仗踢到曉飛，貢獻咗一粒入波一次助攻；「降班死神」獲加彼達斯就有兩次助攻，其中締造卡斯泰奴斯嘅入球由東岸帶到西安更加係技驚四座；中堅馬夫路賓奴斯（Konstantinos Mavropanos）除咗角球助攻上前有收穫之外，佢喺自己龍門成功護空門都令球迷拍爛手掌。

七戰四勝兩和，韋斯咸最少有一日時間可以坐下榜首，重返英超都近咗一步。

EFL韋斯咸6-0 域斯咸