▪️巴高拿頭六場賽事交白卷之後迎來自我救贖嘅一戰，一係唔入，一入就係帽子戲法！進攻端嚟講，利物浦今仗表現係有唔少改善，包括兩個閘位森卡斯同費名邦助攻都「起孖」，而後者更有並唔擅長嘅頭槌入波，相當令人意外；韋斯腳風唔係好順，但喺前半場組織串聯就做得幾好；亞勞祖亦獲得加盟球會後嘅首粒入波；古瑪斯（Lewis Koumas）多次嘗試下都有入球落袋。但係佢哋嘅防守問題就值得留意，即便換入雲戴克同祖高美斯亦未見太大起色。

LASK連斯喺主場嘅發揮唔差，尤其喺身體對抗方面明顯優於客隊。

▪️羅馬81分鐘嘅時候仍然領先緊3-1，馬倫梅開二度。意大利首都球會有70分鐘嘅發揮同戰術執行都好好，皇家馬德里勝在個人質素同後備力量夠強大。

皇馬喺三個角球製造到三個入波，結果成功反勝對手。倒戈嘅魯廸加入波奠定勝局；恩迪克同艾斯比（Carlos Espí）兩位後備入替球員各入一球。麥巴比超越美斯同魯爾，以27歲又298日成為歐聯歷史上最快（最年輕）達到百場上陣里程碑嘅球員，同時以72個入波位列歐聯歷史最佳射手第五位。

🔸今日凌晨嘅「大比數之夜」，連同前晚嘅9場賽事，累計入球達到78粒，場均4.33個入波，成為歐聯歷史上單週賽事最多入球嘅一次！西甲本週最威水，五支參賽球會大獲全勝，相反意甲四隊波都表現不濟，全軍覆沒…

歐聯第二比賽日賽事賽果 Day 2-飛燕諾3-2 科莫LASK連斯3-6 利物浦阿士東維拉6-0 費倫巴治羅馬3-4 皇家馬德里博杜基林特1-0 多蒙特皇家貝迪斯3-2 波圖薩克達3-1 雅典AEK布拉迪斯拉華0-3 史特加曼城2-4 巴黎聖日門

UEFAUEFA Champions League