▪️帽子戲法好難得，完美嘅帽子戲法就更加難能可貴！

19歲嘅亞法祖施斯（Alphadjo Cissè）分別用右腳、左腳加頭槌取得入波，亦都成為自從2002年9月之後，第一位為AC米蘭喺歐洲賽連中三元嘅意大利球員（對上一個係菲臘普恩沙基，當時對拉科魯尼亞）。「紅黑軍團」嘅第二個入球係由巴廸沙基（Davide Bartesaghi）助攻俾艾法祖施斯，兩位意大利u21 國家隊成員嘅合作，亦都係接近兩年半以來第一個AC米蘭入波係由兩位意大利球員合力炮製。湯姆尼今季第一次上陣，表現稱職；查沙利（Ardon Jashari）喺中場瞻前顧後亦有唔錯嘅發揮；韋比奧特嘅傳送亦都有好好嘅水準；摩特歷15年來第一次踢歐霸嘅比賽。

薩爾斯堡嘅臨場調動同戰術調整嚟得比較慢，亦都冇乜效果。19歲波蘭中場馬素歷（Bartosz Mazurek） 雖然今場有一個嚴重嘅犯錯，但整體嚟講係一個好值得留意嘅新人；連士唐（Jesper Lindstrom）嘅狀態持續低迷，令人失望。

歐羅巴聯賽第二比賽日賽事賽果-查積0-3 奧蒙尼亞艾克馬亞2-1 夏普爾比亞舒華聖基萊斯聯1-1 皇家蘇斯達布拉格斯巴達1-1 利爾士唐薩爾斯堡紅牛0-4 AC米蘭里昂3-2 水晶宮列治0-4 利華古遜拖倫斯1-2 辛德蘭馬賽0-1 奧林比亞高斯NEC尼美根1-1 索菲亞列夫斯基雷恩2-1 OFI基迪切爾達維哥1-2 祖雲達斯般尼茅夫3-0 史頓格拉茲賓菲加4-1 些路迪薩格勒布戴拿模1-0 安德列治費倫華路士2-1 柏辛域陀利亞賀芬咸2-3 比錫達斯查基朗尼亞3-1 亞拉特亞美尼亞

UEFAUEFA Europa League