▪️22歲意大利前鋒拉蒙度（Antonio Raimondo）連續兩季由博洛尼亞外借到費辛隆尼，尋晚係佢職業生涯第一次連中三元，今季累積有七個聯賽入波，比佢嘅原屬球會博洛尼亞今季整隊取得嘅五個入波更多，佢個人亦都升上射手榜第一位，費辛隆尼亦都升上第四位。

拉蒙度表示佢嘅成功歸功於教練，對方改變咗自己並且穩定地進步，要多謝對方，佢亦都話球隊嘅更衣室氣氛好好，相當團結亦都好歡樂，球隊亦都有清晰嘅身份。拉蒙度今場展現嘅觸覺、捕捉機會嘅能力都好。費辛隆尼取態進取、敢於壓前並且將防線推上去，佢哋嘅比賽都幾可觀。兩邊翼鋒基謝美斯（Farès Ghedjemis） 同基維拿迪斯（Giorgi Kvernadze） 亦都好積極推入中間射波同埋挑戰對手，卡路（Giacomo Calo） 今場喺中間嘅組織做得唔錯。呢一周之前費辛隆尼亦都係嘗試盤扭次數第三嘅球隊。

薩斯索羅龍門梅歷（Arijanet Murić）今場連番出錯，表現拙劣，不過其他後防球員都有失準，特別係中堅卡列達（Duje Ćaleta-Car） 。佢哋近 17 場作客比賽只有一場冇失波。

Serie A Enilive 🇮🇹