▪️貝拿歷（Jan Bednarek）同基維柯（Jakub Kiwior）呢一對波蘭中堅喺呢場比賽同樣搵到個人職業生涯嘅第一個歐聯入波，而波圖今季第一次喺歐聯贏波，同拿坡里一樣暫時有3分。

艾歷利賽前形容拿坡里傷兵問題嚴重，直頭喺中圈圍圈搓波都唔夠人，結果佢哋後備席亦都只係得五位場區球員，好大程度上亦都因為無正宗閘位球員，所以球隊踢 3511・今季佢哋後勁比較差，歐聯加聯賽失咗28球，啱啱好一半14球係最後30分鐘失嘅。呢兩季拿坡里暫時喺歐聯有15個入波，有7球係來自麥湯文尼。

西班牙中場維加（Gabri Veiga）係波圖呢場踢得最好嘅球員，中後場嘅串連，同前場嘅組織、射門都唔錯。

▪️至於今日凌晨最震撼賽果就非意甲奇兵科莫作客重創朗斯莫屬，除咗追平歐聯史上最大勝仗同單場入球紀錄，目前更壓倒一眾豪門升上第4位。呢支7年前仲喺意丁掙扎嘅球會，搖身一變成為歐洲最恐怖球隊之一，西班牙年輕教頭費比加斯都算係一戰封神。

連中三元嘅杜維卡斯、1個入波2次助攻嘅尼高柏斯當然搶鏡，但佢哋足足有7個球員入波、7個球員有助攻，全能足球先係精髓。賽後接受採訪嘅費比加斯表示：「科莫美妙一夜！我哋好多球員都係足球生涯起步，佢哋要腳踏實地，虛心咁去學習，唔可以預期所有事都一帆風順。當我睇到科莫最後2輪，對手係巴黎聖日門同巴塞隆拿，我知我哋要盡快搶夠分數，前面仲有漫長嘅路。」

🔸由於利物浦作客不敵費倫巴治，本週過後，保持不敗嘅球隊僅餘全勝嘅巴黎聖日門、皇家馬德里，以及和咗一場嘅阿仙奴。

歐聯第四比賽日賽事賽果Day 2️⃣-費倫巴治3-2 利物浦AEK雅典2-3 皇家馬德里多蒙特2-1 皇家貝迪斯波圖4-1 拿坡里朗斯1-9 科莫PSV燕豪芬1-2 布魯日RB萊比錫2-3 曼城布拉格斯拉維亞1-2 阿仙奴維京4-1 沙巴

UEFAUEFA Champions League科莫