【娛樂新聞】《璀璨之城》高海寧陳瀅陳曉華談女女CP 吳卓羲提議拍續集.無綫花旦高海寧、陳曉華與陳瀅昨晚（6日）現身澳門，欣賞主演台慶劇《璀璨之城》大結局。談到3人劇中感情轇轕惹起網民熱議，她們直言對角色獲大家喜歡、討論度高感到很高興。高海寧表示劇中跟陳瀅其實是盟友關係，陳瀅則解釋自己角色將對陳曉華的愛投射到高海寧身上，是一廂情願的單戀二人。高海寧即搞笑問陳瀅究竟喜歡自己還是陳曉華多一點，陳瀅說：「都咁大個啦，做咩要揀？小朋友先至要揀。」

談到跟陳瀅變成女女CP，陳曉華坦言在家看劇集時，見到陳瀅為了已離世的自己喊，感受很深：「原來走咗嘅人，係真係唔想存在喺呢個世界上嘅人喊，會覺得當初我呢個決定係咪錯？」

談到網民大讚她們演得出色，力撐有機會爭視后，高海寧指劇集收視好，感激觀眾支持，期望大結局能有更高收視：「無論邊個攞獎都好，最緊要係大家鍾意呢套劇，我諗呢套劇會好多提名，因為每個人都有Talking point，所以希望有好成績。」對於網民力推陳曉華與江美儀爭「最佳女配角」，陳曉華表示角色於第三集已離開，對大家仍記得她感到高興：「有人讚我當然開心，我會繼續努力，希望大家讚我多啲，唔怕收多啲讚賞！」問到會否希望開第二輯，陳瀅說：「如果開第二輯，希望繼續做番Sarah。」高海寧則表示不想為拍而拍，要先看劇本再決定。TVB

提到張曦雯的半裸戲由原先的7分半鐘被刪剪到只得2秒，問到會否戥對方感到可惜，高海寧解釋該場戲只是被分開了播放：「成場戲係由上一集嘅尾嗰3、4分鐘，一路去到Kelly痛苦嘅樣，其實係一場戲，係因為劇集時間問題，所以剪開咗兩段，即係同一場戲，擺咗喺上集尾同下集頭播，所以感覺上好似剩翻2秒，但其實成場戲係差唔多4、5分鐘。（但性感戲剪剩2秒？）其實不嬲都係咁短，最多剪走2秒，真嘅！」她表示拍攝時自己也在場，指監製早前亦有表示公司會因應觀眾意見而作出適量調整：「我知道係一定要剪走少少，但最多2秒。（網民希望可以睇足本版。）呢樣要問監製。」

當大結局播完後，眾人再次上台分享感受，高海寧更因張智霖的演出被感動落淚，並與Kelly相擁，她說：「感受到官孝賢努力向上爬嘅孤獨，要犧牲好多事。」至於張智霖亦因高海寧的這番話感動得流下男兒淚。

吳卓羲表示很期待下次跟張智霖再合作，指對方角色雖然最後飲下了毒牛奶，但劇情卻未有交代其生死，笑指對方可能還活着，可以一起拍續集：「但要問監製陳維冠、高層珍姐（曾勵珍）同一眾投資方。」至於曾勵珍也在上台表示可以拍續集，她說：「但要畀監製度一度，點交代張智霖未死再出場。」