古巨基低成本翻拍《任天堂流泪》摷廿二年前MV衫仲啱着 早前，古巨基带队跟程人富及海儿（Hedy）拍摄新节目《I really LOVE to Travel》，首站玩爆日本环球影城，由于三人拍的reels获网民大赞，所以这次基仔决定再下一城，同时亦是回馈大家，以「low笔（低成本）」拍摄，还原廿二年前《任天堂流泪》MV， 不少网民看完都大赞制作认真兼笑爆嘴。 虽然低成本制作，但当中的细节位诚意十足，程人富在MV中的服装，是由「服装部同事」基仔提供，「佢身上嘅几套衫，真系廿几年前拍《任天堂流泪》MV里面我着嘅衫嚟嘅，我摷返佢哋出嚟，收藏咗咁耐，原来都冇穿冇烂。」「冇穿冇烂」的还有基仔，「我头先都着过一件，都啱身，肥瘦冇乜变，哈哈。 所以呢个珍藏，再复刻番喺呢个MV，程人富成个人似晒呀。」 至于首次任MV女主角兼演戏的Hedy指这次非常好玩，《第一次同两位实力男演员拍摄，的确学咗好多嘢。 我仲以为我哋真系要去个郊野公园嗌，low cost先好笑。 呢个MV通宵拍咗十五个钟，因为用咗十四个钟笑，哈哈。」
