30歲的江嘉敏離開TVB回復自由身後，雖曾坦言經濟不穩，但工作一單接一單，更為HOY TV拍攝節目《安居樂業》。日前，她更轉行高貴形象，到名店試衫！
江嘉敏自去年起頻頻大晒收花相，又騷多個名牌手袋。不過入行多年的她也賺到不少，她更曾在節目《代溝關注組》中稱曾有女同事以不同理由向她借錢，前後借近10萬，她說最多試過借5千元給朋友，但原來是每次5千，反反覆覆借過好多次：「呢個朋友都幾聰明，每次出街食飯都唔帶現金，又會話電話壞咗過唔到錢，我唔係記仇，雖然我係，哈哈哈，佢仲要一定食米芝連，都係我埋單，加加埋埋可能10萬都有。」之後她不慎自爆「朋友」原來是公司同事：「我試過喺公司見到佢，厚住面皮問吓佢『你細佬讀書讀成點？啲學費……』佢之後即刻話『啊，埋位喇？』我心諗電話唔聽又唔覆message，當面問到都咁？」她稱對方一直借故不還令她大感不悅，直言與對方已經「無freind做」！
