【On.cc】衛蘭廣州開騷側田做嘉賓 方力申唱情歌網民跪求「舊愛版」
歌手衛蘭、方力申各自在內地開騷，前者獲群星拱照，除了有側田驚喜現身任嘉賓打造「青梅竹馬CP」外，更有天后級歌手送上祝賀；至於後者則有江若琳撐場，兩人合唱《好心好報》，但網民直指他跟鄧麗欣的「舊愛版」才是最完美。
衛蘭世巡啟動，首站在廣州舉行。
衛蘭在演唱會上度過生日，別具意義。
衛蘭邀得側田擔任嘉賓，齊齊話當年。
「靚聲歌手」衛蘭（Janice）日前展開世界巡唱《OUT OF FRAME》，首站廣州連唱3場，前晚嘉賓側田出場時，全場尖叫，側田表示：「好耐冇同台，我哋係青梅竹馬，係同一年入行。」Janice笑言當晚慶祝20周年，側田說：「我哋兩個都捱到咁耐，好開心，真係好感恩你邀請我，我知你行呢條路係好難。」Janice指第一時間便想到邀側田做嘉賓，因他曾擔任其首張唱片的監製、和音及彈結他，而側田愈講愈長氣：「我哋各自行自己條路，不過因為音樂最終都再一齊，其實呢Part我應該唱Hit歌，但未有名嘅歌對我好緊要。你哋有冇去蒲？見到隔離枱有個老啲嘅，明知係黐酒飲，我依家就變咗嗰條友，死啦，依家我棟篤笑。」雖然有被「騎劫」之嫌，不過Janice大方和側田在台上玩自拍，又與他拖手合唱及抱抱。
天后拍片賀牛一
當日是Janice的43歲生日，台下有教友好姊妹王君馨及鍾舒漫捧場，而台上播出天后級歌手錄影的慶生影片，鄧紫棋（G.E.M.）祝她演唱會場場爆滿，將音樂帶到更遠的地方；楊千嬅則祝她出道20周年快樂及巡唱成功。
鄧紫棋祝衛蘭演唱會場場爆滿。
方力申同在廣州開唱。
方力申與江若琳合唱經典歌。
音樂響起已全場High爆。
同在廣州開唱的還有新婚的方力申，減磅成功的他狀態十足，又唱又跳，更有觀眾建議他參加節目《披荊斬棘》。與嘉賓江若琳合唱經典作《好心好報》時，歌迷反應熱烈，不過網民直指他跟舊愛鄧麗欣的合唱版才是經典：「許願有生之年能再聽到二人合唱。」另外，方力申自爆曾介意「万刀甲」這個花名，因有「難以出頭」之意，不過被叫足18年，直至參加完環島泳後就釋懷，他說：「唔怕人哋話我唔掂，我會同佢哋講：『我唔掂？咁你游個環島泳嚟睇吓。』」
卫兰[超话]
