【On.cc】執法者們》內地宣傳萬人空巷 羅子溢陳瀅被粉絲熱情感動
新劇《執法者們》由黃宗澤（Bosco）、陳豪、馬國明、羅子溢、吳啟華、宣萱、陳瀅、蔡潔等人主演，現已於內地平台熱播，觀眾反應奇佳，熱度更直衝港劇榜首位，教台前幕後高興不已。有消息指《執》很快便在港推出，而連日來Bosco帶隊折返內地包括廣州、佛山及珠海等地站台宣傳，所到之處萬人空巷，除逼爆商場、附近停車場外，更引起交通大擠塞，見慣大場面如羅子溢亦被「震憾場面」攝服：「內地嘅粉絲好熱情，希望日後都能夠多啲返去同大家做近距離接觸啦。」
陳瀅同樣表示：「我本身比較少返內地宣傳，但見到當哋粉絲嘅熱情表現，真係好感動，亦令我哋仿如注咗強心針。咁辛苦拍套劇，其實都係想觀眾鍾意睇啫。」問到戲中暗戀馬國明的她，現實生活中會否一樣放膽求愛，她笑言：「可能都會，但如果對方太冷淡嘅話，我會放棄㗎。」至於蔡潔則說：「能夠返廣州宣傳，我好開心，因為我中、大學都喺嗰度度過嘅，感覺好親切。（活動上你晒長腿喎。）小妹知會企好耐，所以揀咗對厚底高跟鞋，等自己冇咁攰之餘，亦想（身材）比例合適啲咋，多謝讚賞。」
馬國明（左起）、羅子溢、陳瀅、蔡潔、黃宗澤到內地宣傳！
他們所到之處萬人空巷。
除逼爆商場、附近停車場外，更引起交通大擠塞。
羅子溢被「震憾場面」攝服。
陳瀅都好感動。
陳瀅覺得辛苦拍套劇，都係想觀眾鍾意睇啫！
搵邊個呀？
蔡潔大晒長腿！
好養眼！
鬥擺甫士！
陈滢[超话]罗子溢[超话]
