【On.cc】羅天宇加盟港星網球聯盟 大讚陳懿德打波有天分
近年不少藝人都迷上打網球，除了台灣天王周杰倫、陳奕迅、余文樂等外，香港藝人網球聯盟「A Team」亦正式成立，除了一同打波、看球賽外，他們更會透過比賽籌款，幫助有需要的組織和社群，而且成員的人數愈來愈多，除了前香港女子網球代表李思雅外，還有洪永城與太太梁諾妍、黃子恆、劉愷威、蔡潔、陳靜、徐榮、鄧智堅、孔德賢、林國斌及區文詩等等，最近，就連羅天宇與女友陳懿德、譚嘉儀等都加入了。
香港藝人組網球聯盟。
人才濟濟。
不時打比賽壽款。
又會不時聯誼。
成員愈來愈多。
羅天宇昨日於社交網的限時動態PO了他們賽後的合照，天宇接受東網訪問時坦言：「最近都比較沉迷網球同高爾夫球，之前都係打籃球為主，冇接觸其他運動，但打到呢個年紀，真係唔夠啲𡃁仔跑，要轉吓賽道，同埋我最近都買咗好多裝備，網球拍、Golf棍同鞋，用咗好多錢，所以要比心機搵錢。」而天宇的胞弟胡㻗原來現時有做高爾夫球教練，故他都有向弟弟請教：「有個細佬做教練係有着數，我都想搵佢偷師，不過佢都好忙，唔係成日可以教到我，惟有自己睇啲網上教學片練習。」
天宇又指統計所指，做這些運動會令人長壽一點，打網球會平均增加9年壽命，高爾夫球則會增加5年，希望大家做多點運動，人都會長壽啲。說到德德都有一起打，他大讚對方是有天分的，大家都努力學習中。
打開籃球嘅羅天宇都加入。
原來佢仲學緊高爾夫球。
至於平時有跟藝人網球聯盟成員一同打網球的陳靜，早前去了峇里旅行，更與一大班人齊齊做運動，相當健康。她亦有PO片於社交網，片中的她又到戶外跑步，之後又到室內做多種器械，運動量十足，而且她亦吃得相當健康，難怪多年來一直Keep得一副好身材。
陳靜去咗峇里旅行。
大歎美食。
注重身材嘅佢當然不忘做Gym。
密密操。
