明报：关智斌公开冻龄秘诀 抱小飞侠心态面对人生
44岁关智斌（Kenny）日前接受TVB娱乐新闻台《StarTalk》许文轩（Edmond）专访，大谈相隔4年多再推出广东新歌及开骚感受。Kenny说：“隔咗咁耐冇出广东歌，非常抱歉，记得4年几前出完《隐形人》之后去咗内地拍摄节目，当时因为疫情，唔係随时可以返香港，冇理由出咗首歌又唔去做宣传。呢几年心态变咗，以前淨係识唱歌，唱完就算。呢几年因为做咗内地节目，亦做巡迴演唱会，发觉自己好想做一个表演舞台，喺演唱会上结合跳舞、唱歌、演戏等舞台元素，于是自己就开始萌生咗一个‘小飞侠’嘅音乐企划。直到上年年尾决定做一份计划书，整埋成份PowerPoint畀公司高层睇，畀佢哋清楚知道我心目中想创作嘅故事，希望做一系列有关‘小飞侠’嘅歌曲同舞台，成件事真係好有诚意，最后出咗《永远的彼得潘》，成个企划由呢一首歌开始。”
谈到与小飞侠性格相似时，Kenny说：“其实好多人都话我似小飞侠，首先啲人话我唔识老，觉得自己冻龄？睇吓同边个比，如果同自己同学嘅话就係，如果同我同公司嘅歌手好似容祖儿、蔡卓妍、谢霆锋嘅话，佢哋全部出道到依家都冇变。如何保持冻龄？ 讲笑就话晚晚打针，其实我觉得心态好重要，我觉得自己有小飞侠乐观面对世界嘅态度，好似我喺谷底嘅时候，都冇日日意志消沉，怨天怨地，自己一定会搵嘢去做。我好锺意做乜就去做乜，唔理其他人点睇，好似呢个年纪走去学滑雪同攀石，出面啲人都笑我，小心整亲，手脚唔再係有20岁嗰时嘅耐力，我觉得咁样身心先至会保持到。”
新歌由林若宁填词，Kenny 说：“依家唱歌会研究埋歌词，有问题会同填词人提出，今次就觉得呢首歌有句歌词好似冇贴近依家嘅小朋友，虽然林若宁有解释番畀我听，不过可能佢想安抚我，所以就改咗唔同嘅字眼。点知去到录音嘅时候，自己唱唱吓又觉得林若宁嘅解释，原来又好啱数，于是自己就唱番最初嘅版本，可能佢心谂一早咪话咗你囉！”
